ഇവർക്കിതെന്തു പറ്റി! എന്തെങ്കിലും രോഗമുണ്ടോ, അതോ സർജറിയോ? പ്രിയങ്കയുടെ പുത്തൻ ലുക്ക് ഇഷ്ടപ്പെടാതെ ആരാധകർ 

ഒരു ബോളിവുഡ് നടി എന്നതിലുപരി ലോകം ശ്രദ്ധിക്കുന്ന ഒരു സെലിബ്രിറ്റി ആണ് ഇന്ന് പ്രിയങ്ക ചോപ്ര. ഹോളിവുഡ് സിനിമകളുടെ ഭാഗമായും, എഴുത്തുകാരിയായും നിർമ്മാതാവായും ബിസിനെസ്സുകാരിയായും സാമൂഹ്യ പ്രവർത്തകയായും താരം കഴിവ് തെളിയിച്ചു മുന്നേറുകയാണിപ്പോൾ. എന്നാൽ ഏറ്റവുമൊടുവിലിപ്പോൾ ഇന്ത്യൻ ആരാധകർ നടിയെ ചർച്ച ചെയ്യുന്നത് ഇതിന്റെയൊന്നും അടിസ്ഥാനത്തിലല്ല. മറിച്ച് താരത്തിന്റെ പുതിയ ലുക്ക് അത്ര പിടിക്കാത്തത് കൊണ്ടാണ്.

പ്രിയങ്ക ചോപ്രയ്ക്ക് ഇതെന്ത് പറ്റിയെന്നാണ് ഭൂരിഭാ​ഗം പേരും ചോദിക്കുന്നത്. 'ആ ​ഗ്ലാമർ അങ്ങ് പോയി, എന്തെങ്കിലും ശസ്ത്രക്രിയ നടത്തിയോ, വയ്യായ്ക എന്തെങ്കിലും ഉണ്ടോ, ആള് വല്ലാണ്ട് മാറിപ്പോയല്ലോ', എന്നിങ്ങനെ പോകുന്നു ചോദ്യങ്ങൾ ഉന്നയിച്ചു കൊണ്ടുള്ള കമന്റുകൾ. ഈ വീഡിയോ ഇപ്പോൾ സോഷ്യൽ ലോകത്ത് വൈറലാണ്. 

ഏതാനും നാളുകൾക്ക് മുൻപ് പ്രിയങ്ക ചോപ്രയും ഭര്‍ത്താവ് നിക്ക് ജോനാസും 1600 കോടി രൂപ വിലമതിക്കുന്ന ലോസ് ആഞ്ചലസിലെ ആഢംബര ബംഗ്ലാവിലേക്ക് വീണ്ടും താമസം മാറാന്‍ ഒരുങ്ങുന്നുവെന്ന വാർത്ത ഏറെ ശ്രദ്ധനേടിയിരുന്നു. പൂപ്പൽ പ്രശ്‌നങ്ങൾ കാരണം ദമ്പതികള്‍ കഴിഞ്ഞ ഫെബ്രുവരി മുതല്‍ ഇവിടെ നിന്നും മാറി താമസിക്കുക ആയിരുന്നു. 2018ല്‍ വിവാഹിതരായ പ്രിയങ്കയും നിക്കും അന്ന് മുതല്‍ ഇവിടെയായിരുന്നു താമസിച്ചിരുന്നത്.