നടൻ സൂര്യയോട് കുശലാന്വേഷണം നടത്തി രമേശ് ചെന്നിത്തല; ഇതെന്ത് സംഭവമെന്ന് മലയാളികൾ!

തമിഴ് നടൻ സൂര്യക്കൊപ്പമുളള നമ്മുടെ രമേശ് ചെന്നിത്തലയുടെ ചിത്രം കണ്ടത് മുതൽ ആളുകൾ കട്ട കൺഫ്യൂഷനിൽ ആയിരുന്നു. ഇനി ചെന്നിത്തല സിനിമയിലേക്കെങ്ങാനും? അതോ സൂര്യ വിജയ്ക്ക് പിന്നാലെ രാഷ്ട്രീയത്തിൽ ഇറങ്ങുന്നു?. എന്തായാലും ഇത് രണ്ടുമല്ല സംഭവമെന്ന് ഫോട്ടോയുടെ ഉറവിടം കണ്ടതോടെ വ്യക്തം.

നടൻ തന്റെ ഏറ്റവും പുതിയ സിനിമയായ കങ്കുവയുടെ പ്രമോഷൻ പരിപാടികൾക്കായി ഡൽഹിയിലെത്തിയതായിരുന്നു. ഡൽഹി എയർപോർട്ടിൽ വെച്ച് നടനെ യാദൃശ്ചികമായി കണ്ട രമേശ് ചെന്നിത്തല കുശലാന്വേഷണം നടത്തുകയായിരുന്നു. 'ജയ് ഭീം എന്ന ഒറ്റ ചിത്രം മതി സൂര്യ എന്ന നടന്റെ സമർപ്പണവും സാമൂഹ്യ ബോധവും മാറ്റുരയ്ക്കാൻ! സൂര്യയോടുള്ള ഇഷ്ടം കൂടിയത് തന്നെ ആ ചിത്രം കണ്ട ശേഷമാണ്. ഇന്ന് ഡൽഹി എയർപോർട്ടിൽ സൂര്യയെ യാദൃശ്ചികമായി കണ്ടുമുട്ടി. കുശലം പങ്കുവെച്ചു എന്ന അടികുറിപ്പോടെ രമേശ് ചെന്നിത്തല സൂര്യയ്‌ക്കൊപ്പമുള്ള ഫോട്ടോ പോസ്റ്റ് ചെയ്തിട്ടുണ്ട്.

എന്തായാലും പോസ്റ്റ് ആരാധകർ ഏറ്റെടുത്തിട്ടുണ്ട്. 'ഇന്ത്യൻ രാഷ്ട്രീയത്തിലെ സൂപ്പർ സ്റ്റാറുo ഇന്ത്യൻ സിനിമയിലേ സൂപ്പർ സ്റ്റാറുo', 'രണ്ടു നക്ഷത്രങ്ങൾ കണ്ടുമുട്ടി', തുടങ്ങിയ കമെന്റുകളാണ് പോസ്റ്റിനു താഴെ
നിറയുന്നത്.