മലയാള നടിമാർ തീരെ പോരാ? ജനപ്രീതി പട്ടികയിൽ പേരിനുപോലും ഒരു ഇടമില്ലാതെ മലയാള താര റാണിമാർ..

ജനപ്രീതിയില്‍ ഇന്ത്യയിൽ തന്നെ ഏറ്റവും മുന്നിലുള്ള നായിക ആരാണെന്ന് അറിയാമോ? അതെ തലകെട്ടിൽ പറയുംപോലെ തന്നെ അത് തെന്നിന്ത്യക്കാരുടെ സ്വകാര്യ അഹങ്കാരമായ സാമന്ത തന്നെ ആണ്.  രണ്ടാം സ്ഥാനം ബോളിവുഡ് നടി ആലിയ ഭട്ട് കൊണ്ടുപോയപ്പോൾ മൂന്നാം സ്ഥാനം ദീപിക പദുകോണും സ്വന്തമാക്കുകയായിരുന്നു. ജനപ്രീതിയില്‍ മുന്നിലുള്ള ഇന്ത്യൻ നായികമാരുടെ പട്ടിക പുറത്തുവിട്ടത് ഓർമാക്സ് മീഡിയയയാണ്. 

ഓർമാക്സ് മീഡിയയുടെ സെപ്റ്റംബർ മാസത്തെ പട്ടിക പ്രകാരം സാമന്തയ്ക്കുപിന്നാലെ  നാലാം സ്ഥാനം വീണ്ടും തെന്നിന്ത്യയിലേക്ക് കൊണ്ടുവന്നത് ലേഡി സൂപ്പർസ്റ്റാർ നയൻ‌താര തന്നെയാണ്. അഞ്ചാം സ്ഥാനം തൃഷ സ്വന്തമാക്കിയപ്പോൾ ഈ വർഷത്തെ ബോളിവുഡിലെ ഏറ്റവും വലിയ വിജയ ചിത്രമായ സ്ത്രീ 2 വിൽ ഭാഗമായതോടെ ശ്രദ്ധ കപൂർ ആറാം സ്ഥാനവും നേടി. കാജൽ അഗർവാൾ ഏഴാം സ്ഥാനത്തും സായ് പല്ലവി എട്ടാം സ്ഥാനത്തുമാണുള്ളത്.  പുഷപ 2 തുടങ്ങിയ നിരവധി ബിഗ് ബജറ്റ് സിനിമകളുടെ ഭാഗമായ രശ്‌മിക മന്ദനാ ഒൻപതാം സ്ഥാനം കൈക്കലാക്കിയപ്പോൾ ബോളിവുഡ് നടി കിയാരാ അദ്വാനിയാണ് പത്താം സ്ഥാനത്ത്.