സന്തോഷിന്റെ സ്വപ്നമായ ട്രോഫിയുമായി അടുത്ത പിറന്നാളിന് കാണാം; പൃഥ്വിരാജും വിപിൻ ദാസും വീണ്ടും ഒന്നിക്കുന്നു

ഗുരുവായൂരമ്പലനടയ്ക്ക് ശേഷം പൃഥ്വിരാജ് സുകുമാരനും വിപിൻ ദാസും വീണ്ടും ഒന്നിക്കുന്നു. സന്തോഷ് ട്രോഫി എന്ന് പേരിട്ടിരിക്കുന്ന ചിത്രം പൃഥ്വിരാജിന്റെ ജന്മദിനമായ ഇന്ന്  ഔദ്യോഗികമായി പ്രഖ്യാപിക്കുകയായിരുന്നു. സോഷ്യൽ മീഡിയയിലൂടെ പോസ്റ്റ് പങ്കുവെച്ചാണ് വിപിൻ ദാസ് ഇക്കാര്യം അറിയിച്ചത്.

സന്തോഷിന്റെ സ്വപ്നമായ ട്രോഫിയുമായി അടുത്ത പിറന്നാളിന് കാണാം എന്നാണ് വിപിൻ ദാസ് ഫേസ്ബുക്കിൽ കുറിച്ചിരിക്കുന്നത്. മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫനും സുപ്രിയ മേനോനും ചേർന്നാണ് ചിത്രം സംവിധാനം ചെയുന്നത്. പൃഥ്വിരാജിന് ജന്മദിനാശംസകൾ നേർന്നുകൊണ്ടുള്ള ലിസ്റ്റിൻെ്റ പോസ്റ്റിൽ സർപ്രൈസിന്റെ മറ്റൊരു കുപ്പി പൊട്ടിക്കുമെന്ന് നേരത്തെ സൂചന നൽകിയിരുന്നു. ഇതിനു പിന്നാലെയാണ് പുതിയ ചിത്രം പ്രഖ്യാപിച്ചു കൊണ്ടുള്ള പോസ്റ്റർ എത്തിയത്.